Эһээ Дьыл оҕуһа – Тымныы Иччитэ.
Бу биһиги 2022 сыллаахха оҥорбут Дьылбыт Оҕуһун Саҥа уобараһа.
Хайа да кыылы утары көрдөрбөт күүстээх, уордаах кыыл. Онто ити сымыыттара сылдьар олус улахан Халаабыһа туоһулуур.
Былыр бастаан үөскүүрүгэр Дьыл оҕуһун Уу Иччитэ дииллэрэ. Ол саҕана Сэлиини итинник ааттыыллара. Онтон кэлин нууччалар кэлэн Уу Оҕуһун Мамонт диэн ааттаабыттара, онтон ыла Уу Иччитэ диэн өйдөбүл сүппүтэ уонна тута өйдөнүмтүө Улахан муостаах дьиэ оҕуһун курдук Оҕус буолуохтаах диэбиттэрэ ити билиҥҥэ диэри тиийэн кэлбит.
Ол иһин Тымныы Иччитин уобараһа Сэлии икки дьиэ Оҕуһун ыккардынан көрүҥнээх.
Эһээ Дьыл Оҕуһун – Тымныы Иччитин муоһа күһүөрү кыһын тайах муоһун кудук утуу-субуу үүнэр уонна кыһыары-саас Олунньу ыйга эмиэ тайах муоһун курдук утуу-субуу түһэр.
Ол иһин ойууга Оҕус муоһа Тайах муоһун кытта бииргэ үүммүтүн көрөбүт.
31.01. Оҕус муоһун төбөтө кылаана кыларыйар
12.01. – Оҕус аҥар муоһа түһэр
24.02. – Оҕус 2-с Муоһа түһэр.
Кыһыҥҥы тымныы бүтэр.
22.05. – Өлүөнэ эбэ устан иһэр улахан мууһугар ыттан миинэр миҥэ гынан Хотугу Муустаах байҕалга устар уонна онно тиийэн
Сайыны быһа сынньанар.
14.10. – Орто дойдуга тиийэн кэлэр, тымныы кэм саҕаланар, Кыһын кэлэр.
Онон Эһээ Дьыл Тымныы Иччитин Оҕус гынар, онтон ыла Тымныы Иччитэ Эһээ Дьыл Оҕуһа диэн ааттанар.
Эһээ Дьыл Оҕуһа – Иччи, онон Саха итэҕэлин бары Иччилэрин курдук өлбөт үөстээх.
Тымныыны билигин бараммат сырье, табаар курдук көрүөхтээхпит. Онон табаар курдук атыылаан харчы, баай-дуол гынан байылыаттык олорорбутугар туһанарга кыһаныахтаахпыт.
Онно Тымныы Иччитин – Эһээ Дьыл Оҕуһун көрбүт эрэ киһи болҕомтотун тардар сонун, дьикти уобараһа улахан көмөлөөх буолуон сөп.
